समीक्षा कर देतेव एक प्रयास हे
सरसी छंद
खोपा के गजरा मन भावय,पवन करत हे सोर।
नदिया नरवा देवय ताना,झूमय नाचय मोर।।1।।
बेनी झूलय कनिहा डोलय,महके गजरा फूल।
कर डारे हे बइहा पगला,लहरे अचरा तोर।।2।।
दिन रतिहा सूरतिया झूलय,आँखी आँखी कोर।
मर जाहूँ किरिया हे तोला,बाँधे मयारु डोर।।3।।
मुच-मुच हाँसी मोला मोहे,कोयल जइसन गोठ।
भाथे तोला देखे- देखे,लेवय हियन हिलोर।।4।।
करले जोरा अब तँय गोरी,ले के आहूँ कार।
ले जाहूँ भँवरा के तोला,सजले धजले थोर।।5।।
तोषण कुमार चुरेन्द्र
धनगंइहा, डौंडी लोहारा
