खधर छानी

**************

मोर घर के खधर छानी
टिपिर टापर  चुहे पानी

चिमनी मा अंजोर नंइहे
चातर  गली  खोर नंइहे

नरवा ढोरगा डबडबागे
खेती   खार  लबलबागे

हरेली के भावय तिहार
दसमूर हे घर घर दुवार

तुलसी के अमर कहानी
गावय गुनी मुनी ग्यानी

जुगुर जुगुर जोगनी बरे
रतिहा सावन कोन धरे

पुरवइय्या सरर सरर
घरजे बादर घरर घरर

भाई  बहिनी  के राखी
हावय बंधना के पाखी

मिलके  झंडा फहिराबो
अजादी  के  गीत गाबो

नाचे  रे  मोर मन मंजूर
सुनले  तैहा  कन कजूर

माँत्रिक  के  छू छू मंतर
धरले  तै  जी  जी अंतर

जय युवा  जय किसान
होही तोषन नवा बिहान

**************
तोषन धनगंइहा
डौंडी लोहारा