मोर सही मयारु तँयहर,
दुनिया मा खोज के देख ले.
कोन तोला देवय लान के,
मोंगरा फूल रोज के देख ले.
करथँव तोला अब्बड़ मया,
बइरी थोरको देखस नहीं.
काबर पीरा देथस मोला,
जीवरा मया सरेखस नहीं.
ननपन म संग खेलेन कुदेन,
आनी बानी बाँटी भँवरा.
ओलकी कोलकी आरा पारा,
अउ घर बन तीर के चँवरा.
झन मोला तँय दगा देबे,
मरजाहूँ गोरी तोर सुरता म.
तोर मोर नत्ता अइसे हावय,
जइसे बटन कस कुरता म.
तोषण कुमार चुरेन्द्र
कोई टिप्पणी नहीं:
एक टिप्पणी भेजें