गजब बिराजे दुरगा दाई मोर छत्तीसगढ़ मेंसेवा गीत

गजब बिराजे दुरगा दाई मोर छत्तीसगढ़ में
गजब बिराजे दुरगा दाई हो माय....
मोर छत्तीसगढ़ में....

रतनपुर महामाई कहाए संबलपुर समलाई
चंदरपुर के चंदरसेनी डोंगडगढ बंमलाई
गजब बिराजे दुरगा दाई मोर छत्तीसगढ़ में
गजब बिराजे दुरगा दाई हो माय....

सरगुजा म सरगुजहीन दाई दन्तेवाडा दन्तेश्वरी
बालोद के मोर गंगा मंइया मल्हार म डिडिनेश्वरी
गजब बिराजे दुरगा दाई मोर छत्तीसगढ़ में
गजब बिराजे दुरगा दाई हो माय....

अडमार म अष्टभुजी मंइया मडवा के मडवारानी
कोरबा में सरमंगला दाई जशपुर काली भवानी
गजब बिराजे दुरगा दाई मोर छत्तीसगढ़ में
गजब बिराजे दुरगा दाई हो माय....

नांदगांव पतालभैरवी दाई गंगरेलहीन अंगारमोती
सोनपुर पाटन ज्वालादेवी अंगना बरत हे जोती
गजब बिराजे दुरगा दाई मोर छत्तीसगढ़ में
गजब बिराजे दुरगा दाई हो माय....

गरियाबंद के जतमई माई रायगढ़ बुढही दाई
बागबाहरा के चंडी माई बालोद सिया दाई
गजब बिराजे दुरगा दाई मोर छत्तीसगढ़ में
गजब बिराजे दुरगा दाई हो माय....

रचना रचे हे बालक तोषण सेऊक जस ल गाए
हांथ जोड़ दुनो मांथ नवाए आशीष तोरे पाए
गजब बिराजे दुरगा दाई मोर छत्तीसगढ़ में
गजब बिराजे दुरगा दाई हो माय....

✍✍✍✍✍✍✍✍✍✍
आचार्य तोषण धनगांव डौंडीलोहारा
बालोद छत्तीसगढ़ ४९१७७१
⚜⚜⚜⚜⚜⚜⚜⚜⚜⚜