आज पन्दरा अगस्त

"भइय्या बर बहिनी के राखी ह छुटगे
दाई ददा के डेहरी के दीया ह बुझगे।
मोर भारत माता के अचरा खातिर
मंगल भगत खुदी फांसी म झुलगे।।"
-------------------------------------

चलव संगी जवान मितान अजादी के गुन ल गाबोन
सोन चिरइय्या भारत के चरन म मांथ नवाबोन
●
अजादी के खातिर कतको हमर जवान बलिदान होईन
बहिनी अपन भाई ल खोए महतारी हर बेटा खोईन
याद करन ऊंखर कुरबानी अश्रु के जल बोहाबोन
सोन चिरइय्या भारत के चरन म मांथ नवाबोन
●
भारत माता के आन खातिर छाती म झेलिन कतको गोली
सदा बढ़िन आघू मग म नीत खेलिन खून के होली
अइसन शहीद के सुरता म अखण्ड दीया जलाबोन
सोन चिरइय्या भारत के चरन म मांथ नवाबोन
●
सबझन मिलके रहिबो संगी एकता के सूंत म बंधाके
चलबो कदम ले कदम मिलाके मया पीरीत ल बसाके
आज खुसी ले झूमव नांचव अजादी के जसन मनाबोन
सोन चिरइय्या भारत के चरन म मांथ नवाबोन
●
आज पन्दरा अगस्त के दिन हमर देस अजादी पाईस हे
ये दिन ल हम कइसे भुलबो अजाद तिरंगा लहराईस हे
आवव सबझन एक जुरिया के अजादी के गीत ल गाबोन
सोन चिरइय्या भारत के चरन म मांथ नवाबोन
●
चलव संगी जवान मितान अजादी के गुन ल गाबोन
सोन चिरइय्या भारत के चरन म मांथ नवाबोन
~~~~~~~~~~~~~~~~~~~~~~~~~~~~
लइका सियान जवान मितान भाई बहिनी अऊ सफ्फा
मोर भारत के रहवइय्या मन के संग सफ्फो
 विश्व के कोन्टा कोन्टा म रहवइय्या मन ला
 ७०वीं #स्वतंत्रता_दिवस के बधाई अऊ कोरी कोरी
 शुभकामना के संग आप सबोझन के...
#आचार्य_तोषण
धनगांव डौंडीलोहारा बालोद छत्तीसगढ़