डौंडीलोहारा के काली माई

डौंडीलोहारा के काली माई
बइठे तरिया तीर शीतला दाई
पहाड़ी बिराजे दंतेश्वरी मइंय्या
मन ल लुभावय जय महामाई
-----------------------------
धनगांव के बीच गली मा
बजरंग बली ह बिराजे हे।
हाथ गदा हे सिर म मकुट
लाली चोला नीक साजे हे।।
--------------------------------
शीतला दाई के शीतल छइंहा
सब बर मया बगरावत हे।
नर अऊ नारी बनके भिखारी
मया के छइंहा म आवत हे।।
-------------------------------
पहाड़ बिराजे बाबा बिकटराव
मया सुघर बगरावत हे।
जेन हर जाथे मन भर पाथे
खाली हांथ नइ आवत हे।।
-------------------------------
कोठी डोली सबके भरे रहय
बस अतकी "तोषण" के आस हे।
मान ल रखबे ए लइका के
खुद ले जादा बिसवास हे।।
--------------------------------
आचार्य तोषण