आलू बरी कांदा खुला संग जगडा बरी
रहेर दार मिला रांधले सुघर लमेरा जरी
गोंदली जीरा के दमदरहा फोरन डारदे
चुनुन चानन कढ़ाई म तुरते भूंज बघारदे
अजब सवाद हे चेंच चौलई लाल भाजी म
पालक पत्ता संग अमसूरहा पटवा भाजी म
तोरई डोड़का कुम्हड़ा साग कुंदरू करेला
तुमा पपीता सेम्ही खाबे झन एके अकेला
आनी बानी साग चुरय मन मोर ललचाय
चुटपुट चुटपुट जी करे धीरज रहा न जाय
कोई टिप्पणी नहीं:
एक टिप्पणी भेजें