जनमदिन

जनमदिन मा आज मोर
[28_06_1984]
  ~~~~~~~~~~~~~~
बत्तीस आज पूरोवत हंव
मनहर मोर हरियावत हे
लइका जवान सियान ले
शुभकामना बधइय्या आवत हे
आनंद छावय मनमंदिर मा
 सबझन लेवय बलइंय्या
बड़े बडका आशीष देवय
परे छोटे मन पंइंय्या
जनम दिवस म आज मोर
देवय सबझन उपहार
नान्हे बड़े सबो डहर ले
होवत हेवै खुशी बौछार
करम लिखईय्या जनम देवइय्या
 दाई ददा ल परनाम हे
जेखर आशीष हवय सदा
चारो पहर आठो याम हे
मया के मूरती दया के सुरती
 सदा तूंहर आशीर्वाद रहय
तुंहरे पुण्य प्रताप ले भगवन
 जिनगी सदा अबाद रहय
 अतका मोर बर किरपा करबे
 करते रहंव मैं पुण्य के काम
मोर संगे संग दुनिया मा
अमर रहय दाई ददा के नाम
 छोटे बड़े मीत मयारू सबझन ला धन्यवाद हे
 तूंहरे दुआ अउ आशीष ले जिनगी सदा अबाद हे
 ~~~~~~~~~~~~~~~
                          आचार्य तोषण