‪जनम_दिन_के_बधाई‬..

‪#‎जनम_दिन_के_बधाई‬..

जनम दिन के बधाई सहर्ष स्वीकार करव
घर बिराजे शिव शंभु के पूजा पाठ करव
झन रहय कोनों करम अधूरा जिनगी म
बिघन बाधा ल पार करत सदा आघू बढ़व

आनी बानी के फूल ले बगिया महकत रहय
सुआ परेवना कारी कोयलिया कुहकत रहय
अगास म चंदा सूरुज बरोबर चौहान भैय्या
रिग बिग रिग बिग दीया कस नित बरत रहय

दुख के छंइहा ले पांच छे कोष दूरिहा रहव
पुरवइया कस सुरूर सुरूर चारो मुड़ा बहव
जतका कहूं ओतका कम हे आप बर भैय्या
चाहे मोर मुंह ले शुभकामना कतको कहंव

देख के आप ल हम ह सीखत रहिथन
कहे बात आपके हमन सुनके कहिथन
हाथ सदा रहय ईश्वर के मुड़ म आपके
जनम दिन म इही शुभकामना कहिथन
॥सादर परणाम॥