विश्व महिला दिवस पर हार्दिक बधाई

विश्व महिला दिवस पर हार्दिक बधाई

नारी नारी का कहिथस
नारी जग में महान।
नारी के कोख जनमे
लईका ध्रुव समान।।

नवा जुग मा आघू आघू
चले के करे तइयारी
ले अंगड़ई अब जागत हे
आज कलजुग के नारी।।

हर जुग पिछवा पिछवा
जिनगी जियत आए हे।
बांट दिस सब कुछ अपन
फेर खुद न कुछ ले पाए हे।।

नारी ह घर के नेंव हरे
सब के पहिली शाला।
नंदिया जईसन शीतल
फेर समय परे त ज्वाला।।

समय परीस बनीस चंडिका
जे रहिस आरूग सीता।
बनके काली ए अबला ह
सदा लड़ई मा जीता।।

विश्व महिला दिवस में मेंहा
जम्मो मातृ शक्ति मनला सहिरदे
नमन बंदन करथंव
अऊ बधाई संप्रेषित करथंव
��������������