खाली हांथ जाबे।

जनम मरन म का राखे,करम रहय महान॥
 संत जाने न छोटे बड़े, सबला माने समान।।
 झन भटक काबा काशी, तन में राम समाय।
जपन कर हरिनाम तै, परभू ग्यान बताय।।
 झींन रख मना बात तै ,जानंत हंव सबे ।
सब जनवइया राम हे, सफल जानंत हबे।।
 पालनहारी राम हे ,सहज शील के धाम ।
करथे बेड़ा पार गा ,लेत राम के नाम।।
 गरब गुमान न कीजै ,काया संग न जाय।
घरोंदा यह माटी का, माटी म मिल जाय।।
राजा छोडै राज ला ,रूप छोडै रानी।
सब रही जाही इहचे ,पुरवइया पानी।।
काला लेके आय हस ,का लेग तै जाबे
आए हस खाली तैहा ,खाली हांथ जाबे।
 #आचार्य तोषण