धान के कटोरा

धान के कटोरा
 ================
हमर भुजा म ओ ताकत हे
 कतको अनाज उपजाबो जी
हमर कोठी म हे दार कतको
अफरीका ले काबर मंगाबो जी
 चना रहेर बटरा उरीद तिली
 खेत म हमन ऊपजाथन जी
 देश बिदेस ल हम ह बांटके
 घर बर घलक बचाथन जी
गंहू चंऊर के हरन बंटइय्या
हवन छत्तीसगढ़िहा किसान जी
अपन खाए खवाए बर संगी
 हमला परही काबर जियान जी
 छत्तीसगढ़ के हे धनहा डोली
 लहरावय धान जेखर कोरा जी
 अइसन मोर महतारी के हांथ
 सदा हावय धान के कटोरा जी
 -----जय छत्तीसगढ़---------
 #आचार्य तोषण