***हमर तिरंगा***

***हमर तिरंगा***
×××××××××××××
हमर आजादी के तिरंगा
लहर लहर लहरावत हे।
सोनहा भुइंया मा भारत के
सुख शांति बगरावत हे।।

ए झंडा के रक्षा खातिर
कतको झन जान गंवाईस हे।
बैरी मनसन झगरा लड़ई मा
लहू के धार बहाईस हे।।
रेगबो मुडी उठाके सबे झन
इही संदेशा सुनावत हे।।
सोनहा भुइंया.....
तीन रंग के हमर झंडा
भारत के मान बढ़ावत हे।
साहस केसरिया शांति सफेद
हरा अऊ हरियावत हे।।
ईंखर इज्जत बर मर मिट जाहू
आज "तोषण"हा चिल्लावतहे।।
सोनहा भुइंया.....
××××××××××××××××××
****आचार्य तोषण****