राम नाम

शीर्षक:-राम नाम
राम नाम सुमरन करलव,हो जाही मन चंगा।
कांहा जाबे काबा कांशी, तोर घर में बोहाही गंगा।।
राम नाम ला जपले संगी बेरा निचट करारी हे।।
राखबे एला बने जतन के तोर तन हा घलो उधारी हे।।

चार दिन के चटक चंदैनी
फेर निचट अंधियारी हे।।
लबरा जात हे मनखे जीव मारथे जबर लबारी हे।
बने रखबे एला जतन के तोर तन हा घलो उधारी हे।।
झन तै कर मोर मोर ए माया के मडई मा।।
तन भुंजा के राखड होही इही माया के जरई मा।।
भजले तैहा राम राम ला इही ह तोर हितकारी हे।।
बने राखबे एला जतन के तोर तन हा घलो उधारी हे।।
तोर तन हा घलो उधारी हे।।
आचार्य तोषण
सरस्वती शिशु मंदिर डौंडीलोहारा
जिला-बालोद (छ. ग.)
पिन-४९१७७१
मुहुबाईल:९६१७५८९६६७