:-माटी के मितान

शीर्षक :-माटी के मितान
ए भुइंया के भाग जगइय्या,हम कमइय्या किसान गा।
भुइंया के भगवान हम हा ,ए माटी के मितान गा।
जांगर तोड़ मेहनत करके ,सुघर धान उपजाथन।
मुड़ी ले गोड के जात ले ,करम के पसीना बोहाथन।
एखर ले बढिहा अऊ का होही, हमर मनके पहिचान गा।
भुइंया के भगवान हम हा ,ए माटी के मितान गा।
होत बिहनिया धरती दाई के, तन मन ले सेवा बजाथन।
नांगर-बईला कमरा खुमरी, टेडगा पागी ल सजाथन।
पटवा भाजी बंगाला चटनी, अऊ बोरे बासी ल खान गा।
भुइंया के भगवान हम हा, ए माटी के मितान गा
।

आचार्य तोषण
सरस्वती शिश मंदिर
डौंडीलोहारा जिला -बालोद(छ. ग. )
पिन ४९१७७१
मुहबाईल ९६१७५८९६६७